GIDAGSA na ug mga inahan nga may dalang kabataan ang Health Center sa Barangay Alegria, Alabel, Sarangani Province Mayo 3 sa kasamtangan nga tuig.
Sumala sa Midwife nga si Caren Chavez nga kapin usa ka libo ang ilang target sa tibuok usa ka bulan nga pagbakuna sa kabataan nga naga edad lima ka tuig paubos.
Sa unang adlaw anaa sa 50 ka mga kabataan ang ilang nabakunahan, sumala kay Minda Mirafuentes nga taga Purok Lampan gusto niya nga makumpleto ang bakuna sa iyang anak nga babaye nga naga edad siyam ka bulan.
Sumala usab kay Laurence Palmes nga wala siya nagpanuko sa pagpabakuna kay alang kini sa kahimsog sa panglawas sa iyang anak nga lalaki. I Ver Diazon
