Blangko pa gihapon ang kapulisan sa Tugbok kung unsay motibo sa nahitabong pagpusil patay sa usa ka manikurista sa pasado alas dose sa udto niadtong Sabado sa Los Amigos, Tugbok District.
Ang duha ka suspetsado nga maoy nipusil patay kang Allan Sabardan, 47 anyos, binabaye ang pabilin pang at-large karong panahona ug wala pa makuha sa otoridad ang ilang identity.
Una niini, nagvideoke ang biktima Sabado sa udto atol sa birthday sa iyang pag-umangkon dihang kalit na lamang nangabot aNg mga suspek ug walay daghang istorya gipusil tumong sa ulo nga miresulta sa hinanali niyang kamatayon.
Padayon nga gipanubayan sa Tugbok Police Station ang mga anngulo sa krimen ug ilhanan sa mga suspek aron mahatagan og hustisya ang kamatayon sa biktima. BNFM-DAVAO
