NAKAGAWAS na gikan sa selda sa Bula Police Station ang usa ka dinakpan sa buy-bust operation human gipabuhian sa pisklaya.
Subay sa progress report sa present 6 kabahin sa usa ka kaso nga ilang gisang-at sa korte batok sa nagpangalang Shanlie Salindron Andag sa kaso nga may kalabotan sa Section 5 sa RA9165, gibasura kini sa Prosecutors Office sa rason nga may kakulangan sa igong ebidensya.
Ang release order permado ni City Prosecutor Clemenia Cataluña ug Prosecutor Gilbert Bandiola, gumikan niini Abril 17 na buhian na si Andag.
Kahibaluan nga kaniadtong Abril 6, 2023 ang Special Drug Enforcement Team sa Bula PNP naghimo sa buy-bust operation sa dalang Ariola ug gidakop si Andag apan sa karon gawasnon na kini. I Ver Diazon
