APRUBADO na sa City Development Council ang P80-Milyon dugang pondo alang sa konstruksyon sa sea wall sa Queen tuna park, kini ang gikompirma ni Dadiangas South Kapitan Eliseo ‘Rock’ Garay’ aron mapadayon ang proyekto ug gilauman niya kini nga mahuman sa bulan sa Hunyo karong tuiga.
Ang pondo gikan sa Local Government Unit sa GenSan apan dili pa kini available kay padayon pa ang proseso niini. Sa karon gibana-bana ni Garay nga naa na sa 40 porsyento ang gilapdon sa konstruksyon nga gidumala sa AV Vision Engineering Construction.
Samtang pabiling gibawal ang pagsuroy ug pagkaligo sa lugar hangtod dili pa mahuman ang proyekto. Ug hugot gibantayan sa mga trabahante ang mga ekipo, bakal, ug semento aron dili mahilabtan.
Kahibaloan mokabat sa P150Milyon ang kantidad nga gitagana sa LGU-GenSan alang sa proyekto aron mapanindot ang nasangpit nga lugar, ug mahimong usa sa mga tourist spot sa GenSan. I Enamie Mogpon
