Arestado ang 8 ka mga persona, matapos nadakpan nga nagapatigayon sang illegal nga pagpangisda sa Barangay Culasi, Roxas City.
Ginkilala ang mga nagkaladakpan nga sanday Rizaldy Arrojado 58-anyos, Ramil Celorico 53-anyos, Erol Pandez 55-anyos, Felicito Romano 42-anyos, Mark Dela Cruz 19-anyos, Reynaldo Rago 57-anyos, Willy Abayon kag Winefredo Alayon 54-anyos nga lunsay mga residente sang Barangay Libas sining syudad.
Narekober sa mga nagkaladakpan ang tatlo ka mga sakayang pandagat nga nagabalor sang P900,00.00, lambat kag iban pa nga mga fishing gear nga nagabalor naman sa P230,000.00.
Magapangutabang ang mga ini sa paglapas sa City Ordinance No. 16-2007 section 54-B ukon ang fishing in City Waters Using active gear.
Nagapabilin naman sa kustodiya sang Bantay Dagat ang mga sakayang pandagat para sa nagakaigo nga disposisyon. | Judy Ann Juare
