LEGAZPI CITY – Tinawan-duon kan gobyerno-lokal kan Daraga, Albay na wara sinda nagin kakulangan sa isinagibong street dance presentation and exhibition sa Arangkada Cagsawa Festival 2023.
Ini katakod kan reklamo kan sarong grupo nin mga parabayle, an Tribu Parau-Pilar, hali sa Pilar, Sorsogon makalihis ining dai makapagperform sa exhibition na ginibo sa Bicol University Sports Complex kan Pebrero 28 ngunyan na taon.
Segun sa Public Information Officer kan LGU Daraga na si Honey Beth Sullivan, wara daa sinda ki nagin kakulangan digdi puon sa pagtao nin pinansyal asin maski sa pagtapos kan nasamabitan ng aktibidad.
Pigklaro man niya na nagkaigwa na nin pag-urolay sa lado kan mga dancers asin kan saindang trainor na kun sain nagkaigwa nin dai pagkakasinabutan. | MARVIN CORDOVILLA
