Apisar sang iya katigulangon, nagtinguha gid ang 95-anyos nga senior citizen nga magparehistro sang iya SIM Card sa ginhiwat nga Facilitated SIM Registration (FSR) sang NTC VI sa banwa sang President Roxas.
Ginakabig si Lola sang National Telecommunication Commission (NTC)-6 nga pinaka tigulang sa tanan nga nagapanag-iya sang SIM nga nagparehistro sa bug-os nga rehiyon.
Pahanumdom sang NTC sa publiko, magparehistro na sang ila SIM Cards tubtob sa Abril 26 sining tuig agud indi ang mga ini madeactivate.
Ang nasambit nga Facilitated SIM Registration (FSR) sang NTC kaupod ang nagkalain-lain nga telco providers kag Local Government Units ang nahisuno sa RA 11934 ukon SIM Card Registration Act.//KMD Gicalde
