Patay ang usa ka motorista human gipusil sa makadaghang higayon sa Barangay La Suerte, Matanao, Davao del Sur ning milabayng gabii.
Sa imbestigasyon sa Matanao Municipal Police Station giila ang biktima nga si Raymond Samling, 31-anyos nga taga Barangay Colonsabac sa nasangpit nga lungsod.
Sumala pa nga padulong sa Kiblawan ang biktima sakay sa iyang motorsiklo sa dihang mihunong kini aron unta mangihi apan didto na matud pa kini gipusil sa wala mailang suspek madaghang higayon rason sa iyang kamatayon.
Sa pagkakaron ginaila na sa kapolisan ang mamumuno sa nasangpit nga krimen samtang ang biktima gipahiluna na lamang sa iyang pamilya. BNFM-Davao
