PIPILA ka mga senador ang mitimbaya sa pagsaulog sa ika-84th founding anniversary sa General Santos City ug 34th Kalilangan Festival.
Si Senator Sherwin Gatchalian ang nagtimbaya sa tanang katawhan sa GenSan ug nakigduyog sa kalampusan sa selebrasyon.
Alang kaniya nga kinahanglan lamang nga magpadayun ang pagtinabangay alang sa pagpalambo sa turismo ug ekonomiya ug anaa sila sa Senado aron nga motabang sa liderato ni Mayor Lorelie Pacquiao.
Sama ni Gatchalian, gitimbaya usab ni Senator Mark Villar ang tanang katawhan, mga LGU officials sa kapiestahan sa GenSan.
Nagpasalamat usab kini nga mahimong kabahin sa mga komunidad nga padayun ang paghatag og pagtagad sa kasaysayan, kultura ug pagpalambo sa opurtunidad.
Kinahanglan usab nga magtibangay ang tanan alang sa kalambuan sa katilingban.
Nasayran nga karong adlawa, Pebrero 27 ang culmination day sa Kalilangan Festival nga napuno sa nagkadaiyang aktibidad sukad pa sa soft opening niini.
