KORONADAL CITY- INAASAHAN na sa first quarter ng 2023, masisimulan na ang construction ng mahigit sa 500 na mga classroom buildings sa mga public schools sa probinsya ng South Cotabato.
Inihayag ni Governor Reynaldo Tamayo Jr na hinihintay na lamang ng mga ito na madownload ang P 100 million na donasyon ng Melco Resorts Foundation Corporation para sa pagpapatayo ng mga silid-aralan sa mga public elementary at secondary schools.
Ayon kay Governor Tamayo na may natukoy na ang mga itong mga paaralan na mayroong classroom shortage at pawang mga make-shift lamang ang silid-aralan.
Sa pamamagitan nito, inaasahan na mapupunan ang kakulangan ng mga classrooms sa South Cotabato lalo na sa mga malalayong barangay.
