KORONADAL CITY- NAGSAGAWA ng community health consultation at inspection sa estado ng water supply at toilet facilities sa ilang mga sitio sa bayan ng TBoli ang Integrated Provincial Health Office o IPHO South Cotabato.
Kabilang sa binisita ng IPHO sa pamumuno ni Provincial Health Officer Dr. Rogelio Aturdido Jr at Sanitary Inspector Jose Barroquillo ang Sitio Kule sa Barangay Salacafe, at Sitio Basag, Lasak, at Desdeng ng Barangay Dumangas.
Nagbigay din ang grupo ng oral dehydration salt, aquatabs sa water sanitation, at mga gamot para sa health emergencies.
Nakipagpulong din ang mga ito kay TBoli Sitio Leader Association President Herman Muan upang matukoy ang mga problema sa kalusugan ng mga residente at makapagbigay ng rekomendasyon sa mga health activities na maaaring ipatupad sa naturang lugar.
