Nanganganib ngayon ang tinatayang 400,000 Filipino seafarers dahil sa audit na isinagawa ng European Maritime Safety Agency (EMSA).
Ayon sa naturang audit, ang Pilipinas ay hindi nagko-comply sa international maritime safety standards.
Mababatid na una nang sinabi ng EMSA na ang training at certification ng Pilipinas sa maritime institution ay hindi gaano nakasusunod sa guidelines na ipinatutupad ng International Convention on Standards of Training, Certification and Watchkeeping for Seafarers.
Dahil dito, ang European Commission ang siyang magdidikta ng magiging tadhana ng mga Pilipinong seafarers kasunod ang EMSA audit.
Kung susundin ng komisyon ang findings, hindi na nito kikilalanin pa ang competency certifications ng naturang seafarers, na maaaring magdulot ng pagababawal sa mga ito na makapagtrabaho sa European Union-flagged vessels at kawalan ng trabaho. // SMM
