Ginpaidaeum eon sa “red zone” classification ro syudad it Iloilo bangud sa pagtaas it kaso it African swine fever (ASF).
Daywa ka blood samples halin sa Barangay Bito-on sa Jaro ro nagpositibo sa ASF virus, base sa city government.
Suno kay Dr. Suzette Leal it Office of the City Veterinarian (OCV), ro resulta hay gin-release it Regional Animal Disease Diagnostic Laboratory ku December 2.
Matandaan nga nailista it syudad ro unang kaso it ASF ku Nobyembre 24 matapos eon ro 17 sample halin sa Zone 5, Barangay Tacas sa Jaro hay nagpositibo sa nasambit virus. / ANN DESLENE SALAZAR
