Sangka honest nga security guard sa sangka mall sa Mandurriao, Iloilo City ro nagbalik it sangka shoulder bag nga may sueod nga kwarta ag mga importanteng gamit.
Owa eon nagdaywang isip pa ro lady guard nga si Nenita Dela Cruz ag insigidang gin-turn over sa Customer Relations Service (CRS) office ro bag nga anang nakita sa sueod it mall nga anang ginatrabahuhan.
Ro nasambit nga bag hay may sueod nga P77,000 nga cash, cards ag iba pang importanteng IDs.
Naibalik man eagi ro bag sa tag ana matapos ro maid-id nga pag-beripika.
Gindayaw it pamunuan it mall si Dela Cruz it Back Up Security Agency bangud sa ginpakita nana nga katampad. / ANN DESLENE SALAZAR
