Pagapasakaan it kasong pag eabag sa RA 10586 o Anti-Drunk and Drugged Driving Act of 2013 ro daywa ka eaeaki nga nadakpan it LTO-Aklan, Banga PNP ag Aklan PPO sa ginpatigayun nga checkpoint kabii sa may banwa it Banga, Aklan.
Sa interview it Brigada News FM Kalibo sa Banga MPS, nadakpan ro daywa ka eaeaki nga owa eon ginpangaeanan sa checkpoint sa national highway it Brgy. Linabuan Sur, Banga kabii.
Ka’t ipaidaeum ro mga raya sa breath analyzer test hay nasayran nga parehung nakainom ro mga raya.
Sa makarun hay sa kustodiya ro daywa sa Banga MPS ag posibleng makapag-piyansa hin-aga kung siin, tig P3,000 ro piyansa it kada sambilog kanda. / ANN DESLENE SALAZAR
