Nagbanggaan ru sangka delivery van ag SUV matapos nga parehong uwa mag taeaw-an it lugar sa Pob. Makato, Aklan sa kasagsagan it All Saint’s Day.
Sa imbistigasyon, nakilaea ru driver it delivery van nga si Richard Danuya, sa legal nga edad ag residente it Quartero , Capiz samtang indi pa masayuran ru pangaean it driver it SUV.
Nakaangkon it lastro sa ueo ru driver it SUV ag padayon pa nga gina bueong sa sangka pribadong hospital sa Kalibo.
Maga deliver konta it mga online products ru nasambit nga delivery van halin sa Kalibo paadto sa Culasi, Antique kat matabo ru aksidente.
Samtang, ru SUV hay halin man sa Kalibo paadto konta sa Pob. Makato.
Eagi man nga gin respondihan it MDRRMO-Makato ru aksidente.
Sa makaron, parehong sa kustodiya it Makato MPS ru daywang mga bihikulo ag driver it delivery van para sa naga kaigo nga disposition.//MARIVIC Y. ILIN
