GIKLARO sa kapulisan nga dili makompromiso ang data privacy sa matag indibidwal sa pagpatuman sa Sim card registration law. Matud ni Police Executive Master Sergeant (PEMS) Jonathan Morales, personahe sa Regional Anti- Cybercrime Unit (RACU-12) nga dili sayon nga maablihan sa kinsa man ang personal nga data sa sim card.
Gumikan kinahanglan og ‘court order’ aron ma-aksis ang impormasyon nga gihatag sa indibidwal sa pagparehistro sa sim card. Dugang ni Morales, ‘welcome’ kanila ang pagpasar sa maong balaud aron matabangan sila sa nagkadaghang krimen nga nahitabo online.
Una nang, gibutyag ni Renato Reyes, sa progressive group nga Bagong Alyansang Makabayan (Bayan) secretary-general nga makompromiso ang data privacy sa tao sa pagpasar sa maong balaud. I Richel Gubalani
