Insigida nga nagpadaea it bulig ro Aklan Provincial Government pinaagi it Provincial Social Welfare and Development ku, Oktubre 14 para sa mga apektadong pamilya ag indibidwal sa natabo nga sunog sa isla ng Boracay ku Huwebes, Oktubre 13.
Base sa direktiba ni Governor Joen Miraflores, insigidang nakipag-coordinate ro PSWDO sa LGU Malay para makatao it bulig.
Ro nasambit nga bulig hay naeakipan it mahaea, haboe,mga kagamitan sa pagkaun ag pag-eaha, hygiene kits, food packs, bath towel ag iba pang kinhangeanon it mga apektado it sunog.
Naipaabot man ro bulig it provincial government sa 8 pamilya ag 14 nga mga indibidwal. / ANN DESLENE SALAZAR
