Personal nga nagpadueong sa Pasig City Hall sa Manila si Kalibo Mayor Juris Sucro kaibahan ro Kalibo PNP sa pagpanguna ni PMAJ Jason Belciña agud iturn-over ro sangka Wanted Person makarun nga adlaw it Lunes, Setyembre 19, 2022.
Ginkilaea ro wanted nga si Rey E. Billones, 23yo, taga Jamindan, Capiz, ag nagatrabaho bilang security guard.
Naaresto it Kalibo PNP ro suspek matapos magbuoe it Police Clearance ku Setyembre 1 ag nasayuran sa andang Database nga may pending raya nga Warrant of Arrest sa kasong rape.
Samtang, personal man nga nagkita sanday Mayor Sucro ag Pasig City Mayor Vico Sotto kung siin kinumpirma ni Mayor Sotto ro SISTERHOOD it Pasig City ag banwa it Kalibo. / ANN DESLENE SALAZAR
