Inanunsyo ngayon ni Zambales 1st District Rep. Jay Khonghun na magbabawas rin ng bayarin sa kuryente ang dalawang electric cooperative sa lalawigan.
Ito ay matapos ang pakikipagpulong sa pamunuan ng ZAMECO I at ZAMECO II kasama ang iba pang opisyal ng probinsiya.
Sa anunsyo ni Cong. Khonghun, ang ZAMECO II ay magbabawas ng mahigit limang piso kung saan mula sa 20.47/kwh ay bababa ito ng 15.01/kwh.
Ang ZAMECO I naman mula sa 18.32/kwh ay bababa ng 14.71/kwh kung saan mahigit tatlong piso ang mababawas.
Samantala, magiging epektibo umano ito ngayong buwan ng Setyembre.
Matatandaan nitong nakalipas na linggo ay una na ring inanunsyo ng kongresista at Olongapo Electricity and Distribution Company, Inc. ang pagbabawas naman dalawang piso.//Jen Bayot-BNFM OLONGAPO
PHOTO: CONG. JAY KHONGHUN
