SORSOGON CITY – Ang mga kalahok sa isinagawang 2-days training on fish processing ay nakagawa na ng 10 packs ng longganisa, 18 boteng seaweed pickles, 12 packs ng fish patties at 130 piraso ng isda na polvoron o ‘fishvoron.’
Ang 20 miyembro ng Poblacion Fisherfolk Association ng Barcelona, Sorsogon ay sinanay ng BFAR-Bicol sa teknolohiya sa pagproseso ng isda.
Ang dalawang araw na aktibidad noong nakaraang linggo ay bahagi ng target ng pagsasanay ng Regional Fisheries Training at Fisherfolk Coordination para hayaan ang mga kalahok na makagawa ng mga de-kalidad at value-added na produkto.
Laking pasalamat naman ng mga lumahok na pawang mga Nanay.
Sa mensahe ng isang kalahok, sinabi nito na malaking tulong ang nakuha nilang kaalaman lalo na at nagsimula na ang klase at kailangan nila ng extra income at kabuhayan.
