Ro Provincial Treasurer’s Office hay magapatuman it Condonation o pagsukot it owa it penalidad o surcharges sa mga deliquent Real Properties iya sa Aklan.
Raya hay pinaagi it Tax Ordinance No. 2022-006 nga inaprubahan ku September 12, 2022.
Ro mga deliquent real properties hay kinhangean nga mabayaran bago o hasta December 31, 2022.
Kaeakip sa paga bayaran nga owa it penalidad ro mga property nga deliquent halin sa dag-on ngara hay naging delinquent hasta June 30, 2022 eamang.
Ro nasambit nga ordinansa hay sponsored nanday Aklan SP Members: Hon. Jay E. Tejada, Hon. Apolinar C. Cleope, Hon. Bayani M. Cordova, Hon. Nemesio P. Neron, Hon. Mark V. Quimpo, Hon. Mark Ace L. Bautista, Hon. Teddy C. Tupas, Hon. Romeo M. Dalisay ag inaprubahan ni Governor Jose Enrique M. Miraflores. / ANN DESLENE SALAZAR
