LUYO sa pag-ila sa kapulisan sa gihimo sa publiko nga pagtaho sa krimen, giawhag nga mahimong mas kritikal sa pagtaho online. Asa dunay pipila ka indibidwal nga posibleng naghimo-himo lang niini.
Matud ni PLt.Col. Aldrin Gonzales, tigpamaba sa GenSan City Police Office (GSCPO) ugaling dunay nahitabong krimen sa palibot. Gilayon kining itaho sa kapulisan o sa labing duol nga barangay aron gilayong marespondehan. Giawhag niini ang publiko nga mahimo usab nga responsable sa pagsharing sa mga social media post tungod posibleng kini ang ‘fake news’ o himo- himo lang.
Ang pamahayag ni Gonzales ang dungan sa daghang taho nga kawat ug nawalang personalidad nga una nang gitaho sa social media. Nakig-alayon na usab ang GSCPO sa Anti Cybercrime Group aron mamonitor ang mga posibleng maling impormasyon sa social media. I Richel Gubalani
