Ginsigurado it lokal nga gobyerno it Malay, Aklan nga maeapit eun ipatindog ro modernized public market sa andang banwa.
Sa minatuod, pagahiwaton ro ground breaking ceremony it P10M modernized public market makarang Setyembre 14, 2022.
Ro konstruksyon it 2-storey building hay may mas mabahoe nga espasyo para sa mga vendors ag consumers, may pagahimuon man nga bagsakan center, ag parking area.
Gintaw-an it bug-at it Malay LGU nga ro nasambitan nga imprastraktura hay magabukas it mas maabong oportunidad sa mga market vendor it Malay./JIL B. LACSON
