KORONADAL CITY — SINALAKAY ng mga otoridad ang umano’y plantasyon ng marijuana kahapon ng umaga sa boundary ng Barangay Danlag at Barangay Tablu sa bayan ng Tampakan, South Cotabato.
Sa nasabing operasyon, humigi’t kumulang sa 12,000 puno ng marijuana ang nabunot ng mga otoridad na nagkakahalaga umano ng P3.6 million.
Sa ngayon, hindi pa matukoy kung sino ang nagmamay-ari ng nasabing plantasyon dahil walang naabutan na cultivator ang mga otoridad sa lugar.
Agad namang sinunog ng mga otoridad ang mga karamihan sa mga nabunot na marijuana at nagdala na lamang ng sample bilang ebidensiya at para sa isasagawang eksaminasyon.
