Itinigil na ng Municipal Disaster Risk Reduction & Management at PCSDS katuwang ang iba pa ang paghahanap sa isang 10 anyos na batang tinangay ng buwaya sa ilog ng Canipaan, Rizal Palawan.
Ito ay matapos ang tatlong araw na paghahalughog sa ilog simula ng mawala ang bata noong Linggo, August 28, 2022.
Sinikap ng team na mahanap ang katawan ng biktimang si Antonio Cardejon III sa ilog at mga sanga-sanga nito subalit nabigo silang makakita ng bakas sa kinaroroonan nito.
Samantala, inabisuhan ng MDRRMO ang mga nakatira na maaari pa rin nilang ipagpatuloy ang paghahanap pero pinapaalalahanan sila na mag-iingat.
