Ginpahayag ni Transportation Undersecretary for Road Transport and Infrastructure Mark Steven Pastor nga uwa segun it budget ro gobyerno para sa ‘Libreng Sakay’ program it Department of Transportation’s (DOTr) para sa 2023.
Nasayuran nga P12 billion ro andang gin-request nga budget para sa service contracting program sa masunod nga dag-on pero uwa raya nakaeakip sa National Expenditure Program (NEP).
Ginpahayag man ni Budget Undersecretary for Media Affairs, Community Relations, and Internal Audit Goddes Libiran nga “non-recurring” o “one-time expenditure item” eamang ro nasambitan nga programa.
Dag-on 2020 kat ginlunsar it “Libreng Sakay” program it DOTr ag Land Transportation Franchising and Regulatory Board (LTFRB) agud mabuligan ro commuters nga naapektuhan it pandemya./JIL B. LACSON
